পৃষ্ঠা:সাৰনিত্যক্ৰিয়া.djvu/১১৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


১০২ সাৰনিত্যক্রিয়া

সি বিড়ম্বনা মাত্র। আনৰ সৎগুণ প্রকাশ কৰিলে নীচ গুণ সহজে লয় হয়। এই নিমিত্তে দোষ প্ৰচাৰ নকৰি গুণৰ প্রকাশ কৰিবা, তাতে তুমিয়ে সৈতে সমস্ত জগৎ আনন্দময় দেখিবা। বালক-বালিকাসকলক সকলো বিষয়ে শুচি আৰু পৰিস্কাৰ থাকি- বৰ শিক্ষা দিবা। যাতে শৰীৰ, মন, ইন্দ্রিয়, কাপােৰ, আহাৰ আৰু ব্যবহাৰ দ্রব্য, ঘৰ, বাড়ী বাট, ঘাট, প্রভৃতি পৰিস্কাৰ থাকে । অৱস্থা, ৰূপ, গুণ, সন, কুল, শীল, বিদ্যা, বুদ্ধি প্রভৃতি বিষয়ত নিৰপেক্ষ হৈ স্ত্রী মাত্রকে সৰ্ব্ব উৎপত্তিকাৰিণী জগৎজননী জ্ঞান কৰি শৰীৰ মন আৰু বাক্যৰ দ্বাৰাই প্রত্যক্ষ অপ্রত্যক্ষ ভাবে সমাদৰ কৰা পুৰুষ মাত্ৰৰে কৰ্তব্য। ইয়াৰ অন্যথাত শ্ৰেয় নাই, সদায় সকলো বিষয়ে পৰাধীন থাকিব লগা হয়। বিশেষ সতর্ক হৈ দৃষ্টি ৰাখিব যে কোমলমতি বালক-বালিকা- সকলৰ চুৰি, মিছা, ফঁাকি আৰু আনক সত্যভ্রষ্ট কৰিবৰ প্রবৃত্তি নজন্মে। প্রথমৰে পৰা বালক-বালিকাসকলে নে ভক্তি শ্রদ্ধা কৰি মাতা-পিতা গুৰুজনক ৰাতিপুৱা গধূলি প্রণাম কৰে । নতুবা সিহঁতে জগতৰ মাতা-পিতা গুৰু পৰমাত্মা জ্যোতিঃস্বৰূপক শ্রদ্ধা ভক্তি কৰিবলৈ নিশিকিব। স্ত্রীলােকৰ সম্মান নাৰাখিলে কালী, দুর্গা, সৰস্বতী, সাবিত্রী, গায়ত্রী মাতা গােসানী অর্থাৎ সৰ্ব্বব্যাপিনী মঙ্গলময়ী জগৎজননী মহাশক্তিৰ সম্মান ৰক্ষা কৰা নহয় । যাৰ • প্রসাদত জগতৰ মঙ্গল, স্ত্রীলােকৰ পূজাত তেওঁৰে পূজা। নতুবা কালী, দুর্গা প্রভৃতি হাজাৰ নাম লৈ বহু খৰচ বহু আড়ম্বযুক্ত যি কোনো পূজা কৰা সেই পূজা জগৎজননী মহাশক্তিয়ে গ্রহণ নকৰিব আৰু তাত কেতিয়াও মঙ্গল নহব । ইয়াক ধ্রুব সত্য জানিবা ।