পৃষ্ঠা:সাধনা- দণ্ডিনাথ কলিতা.djvu/৩৮২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সপ্তম অধ্যায় বিচাৰ আজি দীনবন্ধুৰ বিচাৰৰ দিন। তেওঁৰ ওপৰত অভিযােগ—তেওঁ জাতীয় সমস্যা আৰু ৰাইজৰ কৰ্তব্য” নামেৰে ৰাজদ্রোহসূচক কিতাপ এখন প্ৰচাৰ কৰিছে, আৰু য’তে ত’তে ৰাজদ্রোহজনক বক্তৃতা দি মানুহবিলাকক গৱৰ্ণমেণ্টৰ বিৰুদ্ধে উত্তেজিত কৰি তুলিছে। দীনবন্ধু অভিযুক্ত হােৱাৰ কথা সকলাে ঠাইতে জনাজাত হৈ পৰিছিল । আজি সেই কাৰণে বিচাৰ চাবলৈ বহুত ঠাইৰ পৰা মানুহ আহিছে। আদালত বহাৰ আগৰে পৰা শই শই মানুহ আহি কাছাৰী ঘৰৰ সন্মুখৰ পথাৰত জুম বান্ধিছে। সকলােৰে মুখত অশান্তি আৰু উৎকণ্ঠাৰ চিন। দীনবন্ধুক সেই দিনা উমাকান্তই এহেজাৰ টকাৰ জামীন হৈ লৈ গৈছিল। তেওঁৰ পক্ষ সমর্থন কৰিবলৈ এজন বেৰিষ্টাৰ উপযাচি আহিছিল। দীনবন্ধুৰ বিশ্বাস আছিল যে ধৰ্ম্মবিচাৰ আদালত কেতিয়াবা ভুলতহে হয়, সেই কাৰণে তেওঁ সাক্ষী প্রমাণ আদিৰ নিমিত্তে বিশেষ ব্যস্ত নহৈ তেওঁৰ ফাটক হ'লে তেওঁৰ অনুষ্ঠানবােৰ কেনেকৈ চলিব তাৰ দিহা কৰাত লাগিল। দীনবন্ধুৱে যত যি বেমেজালি হ’ব পৰাৰ সম্ভাৱনা দেখিছিল, সেইবােৰ আগ ধৰি শৃঙ্খলা লগালে ; কিছুমান কাৰ্য্যৰ তত্বাৱধানৰ ভাৰ উমাকান্তৰ গতি দিলে; প্ৰভাৱতীৰ ওপৰতে শিক্ষাশ্ৰমৰ সম্পূর্ণ ভাৰ ন্যস্ত কৰিলে। পূর্বে মুনিহ-তিৰােতা দুয়ােবিধ ৰােগীৰ নিমিত্তে একে আশ্ৰমৰ ভাগ আছিল; এতিয়া ভিৰােতাৰ ভাগটো শিক্ষামৰ লগত সংলগ্ন কৰা হ'ল।