পৃষ্ঠা:সাধনা- দণ্ডিনাথ কলিতা.djvu/৩৫৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সাধনা ১১। কোনাে মতা মানুহৰ আশ্ৰমত প্রয়ােজন থাকিলে বাটচ'ৰাৰ পৰাই সংবাদ পঠিয়াব লাগিব, পৰিচালকৰ অনুমতি নােপােৱাকৈ কোনাে ভিতৰলৈ সােমাব নােৱাৰে। ১২। এই আশ্ৰমত সৰ্বসাধাৰণৰ নিত্য প্রয়ােজনীয় শিক্ষা মাথােন দিয়া হ’ব, দুই-এজনৰ উপযােগী উচ্চ শিক্ষাৰ নিমিত্তে সম্প্রতি ইয়াত কোনাে ব্যৱস্থা নাই; সেই কাৰণে অৱস্থা-ভেদে থকা-মেলাৰ সুকীয়া বন্দৱস্তও ইয়াত ৰখা নাই, আৰু আগলৈকো বখা নহয়। প্ৰভাৱতী আৰু উষাই আগৰ কাম এৰি দিয়াৰ কথা প্ৰভাৱতীৰ চিঠিৰ পৰাই বুজা গৈছিল; বাস্তৱতে তেওঁলােকৰ ইস্তফা মঞ্জুৰ হ’ল ; দীনবন্ধুৱে প্ৰভাৱতীকেই প্রধান শিক্ষয়িত্রী মনােনীত কৰিলে আৰু তেওঁৰ অনুৰােধ মতেই উষাক সহকাৰিণীৰ পদত নিযুক্ত কৰিলে। তেওঁলােক আশ্ৰমতে স্থায়ীভাবে থাকিব লাগিব, নির্দিষ্ট দৰমহাৰ উপৰি থকা ঘৰ আৰু খােৱা খৰচ আশ্ৰমৰ পৰা পাব—এয়েই নিযুক্ত-পত্ৰৰ চৰ্ত্ত। পহিলা বহাগৰ দিনা উৎসৱ পাতি আশ্ৰম মুকলি কৰা হ'ল। আশ্ৰমৰ বন্দৱস্ত তলত দিয়াৰ দৰে বাটচ'ৰাৰ ওচৰতে যিটো ঘৰ দেখা গৈছিল তাত এজোৰা হিন্দুস্থানী মানুহ থাকে। তিৰােতাজনীয়ে ভিতৰত কাম আৰু মুনিহটোৱে বাহিৰৰ কাম কৰে ; দুফালৰ দুখন জপনাৰ চাবি ইহঁতৰ হাততে থাকে। আৱশ্যক নহলে জপনা বন্ধ ৰাখিব লাগে। দৈনিক বজাৰ এই দুৱৰীটোৱেই কৰিব লাগে। দ্বিতীয়তে ভিতৰ সােমাই যিটো ঘৰ আগ ধৰি পােৱা যায়, সেইটোত লিখাপঢ়া শিকোৱা হয়। ইয়াৰ পিচত যি দুটা ঘৰ পােৱা যায়, তাৰে চাৰিচলীয়াটোত প্ৰভাৱতী থাকে, আৰু ইটোত খায়। দীঘল ঘৰ দুটাৰ এটাত ছাত্রী থাকে, তাৰে এমূৰে এটা বেলেগ খােটালি কৰি উষাক দিয়া হৈছে। ইটোত তত বােৱা হয়। - ৩৮-