পৃষ্ঠা:সাধনা- দণ্ডিনাথ কলিতা.djvu/৩৫৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


শ্রী-শিক্ষা ৪। পুৱা আৰু শুবৰ সময়ত সকলােৱে ভগৱৎ-স্তোত্র পাঠ কৰি ঈশ্বৰৰপাসনা কৰিব লাগিব। ৫। ৰন্ধা-বঢ়া, হিচাপ ৰখা আদি কাম ছাত্রীৰ ভিতৰতে পাল পাতি কৰিব লাগিব। ৬। যিবিলাক সৰু ছােৱালী ছাত্রী ভাবে ইয়ালৈ আহিক তেওঁলােকে বিশেষ প্রয়ােজন নহলে, অন্তত ঋতুকাল পর্যন্ত ঘৰলৈ যাব নােৱাৰিব, আৰু ইয়াৰ ভিতৰত তেওঁলােকৰ বিবাহ হ'ব নােৱাৰিব। ছােৱালী পঠিওৱাৰ লগে লগে অভিভাবকে এই বিষয়ে প্রতিশ্রুতি দিব লাগিব। তেওঁলােকে খৰচ-পাতি একো দিব নালাগে। ৭। যিবিলাক অনাথা বিধবাই জীৱিকাৰ নিমিত্তে এই আশ্ৰমত ঠাই বিচাৰে, তেওঁলােকৰ উপযুক্ত অভিভাবক নাথাকিলে সাধাৰণ ছাত্ৰীৰ নিয়মৰ তলতীয়া হ'ব। ৮। যিবিলাক বিধৰাৰ ডাঙৰ ল'ৰা-ছােৱালী আছে, আৰু যিবিলাক সধবা সেইবিলাকেও জীৱিকা অৰ্জনৰ নিমিত্তে আৱশ্যক হলে ইয়াত তাঁতশালৰ কাম কৰিব পাৰিব। তেওঁলােকে সকলাে লাগতিয়াল সঁজুলি আশ্ৰমৰ পৰা পাব, আৰু কাপােৰ বেচা হ'লে লাভৰ এক তৃতীয়াংশ আশ্ৰমৰ ভঁৰালত জমা থৈ বাকীখিনি তেওঁলােকক দিয়া হ'ব। ৯। পূর্ণিমা আৰু সংক্রান্তিৰ দিনা আশ্ৰমৰ দৈনিক কাম বন্ধ থাকিব। সেই দিন ধৰ্ম্ম, সমাজ আৰু তিৰােৰ কৰ্তব্যৰ বিষয়ে আলােচনা হ’ব ; ৰামায়ণ, মহাভাৰত আদি গ্রন্থ পাঠ হ’ব। ১০। আশ্ৰমত সম্প্রতিকে দুজনা শিক্ষয়িত্রী থাকিব। প্রধান শিক্ষয়িত্ৰীয়েই স্থায়ী নিয়মৰ তলতীয়া হৈ আশ্ৰমৰ শিক্ষা আৰু ছাত্ৰীৰ তত্ত্বাৱধানৰ বাবে দায়ী থাকিব। তেওঁৰ হাতেদি ছাত্রীবিলাকে বাহিৰৰ মানুহৰ লগত চিঠি-পত্ৰৰ আদান-প্রদান কৰিব পাৰিব।