পৃষ্ঠা:সাধনা- দণ্ডিনাথ কলিতা.djvu/৩৫৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


শ্রী-শিক্ষাশ্রম তাৰ ওচৰত থকা অলপ চুটি ঘৰটোৱেই উমৈহতীয়া ৰান্ধনি ঘৰ। এফলীয়াকৈ সজা ঘৰটো এৰি পুহিবৰ নিমিত্তে ; সেই উদ্দেশ্যে এবিঘা- মান মাটিত সম্প্রতি এৰাৰ খেতি কৰা হৈছে। ইয়াত কোন লগুৱা বা লিগিৰী নাই, ছাত্রীসকলে সকলাে কাম নিজহাতে কৰিব লাগে। | আশ্ৰম আৰম্ভ কৰিবৰ সময়ত ছাত্রী মাথােন দহজনীমান আছিল । কিন্তু যিমান দিন যাবলৈ ধৰিলে, সিমানেই সংখ্যাও বাঢ়িবলৈ ধৰিলে ; বিশেষকৈ তাত-শালৰ কাম আশাতীতৰূপে চলিবলৈ ধৰিলে। ইয়াৰ কেইবছৰমান আগতে বঙ্গদেশৰ এডােখৰ ফালি আনি আসামৰ লগত লগ লগাই পূর্ববঙ্গ আৰু আসাম নামেৰে এখন নতুন প্রদেশ গঠন কৰা হয়। তাৰ ফলস্বৰূপে নানা ৰাজনৈতিক আন্দোলনৰ মাজেদি স্বদেশী আন্দোলনৰ জন্ম হয়, আৰু বহুত ঠাইৰ মানুহে বিদেশী বৰ্জন কৰিবলৈ সঙ্কল্প কৰে। আশ্রম-স্থাপনৰ সময়তো সেই সঙ্কল্প সজীৱ আছিল। এই সুবিধাত আশ্ৰমৰ আঁতৰ কাপােৰৰ গ্রাহক আশাতীতৰূপে পােৱা হ'ল। দীনবন্ধুৱে তাঁতশালৰ সংখ্যা বঢ়াবলৈ ধৰিলে, বহুত দুখুনী বিধবাই জীৱিকা উপাৰ্জনৰ এটা উপায় পালে। এই আশ্ৰমৰ পৰা কেইবাটাও কাম হবলৈ ধৰিলে। এফালে ছােৱালী- হঁতৰ শিক্ষাৰ ব্যৱস্থা হ'ল, আশ্রয়হীনাৰ আশ্ৰয় আৰু জীৱিকাৰ উপায় ওলাল ; আন ফালে স্বদেশীৰ প্ৰচাৰ আৰু আশ্ৰমৰ ভঁৰাল টনকিয়াল হ’ল। দীনবন্ধুৱে স্বদেশী-প্ৰচলন আৰু বিদেশী বৰ্জনৰ অর্থনৈতিক আৱশ্যকতা সম্বন্ধে বক্তৃতা দি গাৱেঁ গাৱেঁ ঘূৰিবলৈ ধৰিলে, লগে লগে “জাতীয় সমস্যা আৰু ৰাইজৰ কৰ্তব্য” নামেৰে এখন কিতাপ লিখি চাৰিওফালে বিলাই দিলে। ইয়াৰ পৰা বহুত পৰিমাণে স্বদেশীৰ প্ৰচাৰ হ’ল ; বহুতাে মানুহে বিশেষ যত্নেৰে এৰি-মুগা পুহিবলৈ আৰু কপাহৰ খেতি কৰিবলৈ ধৰিলে। - ৩৪১-