পৃষ্ঠা:সাধনা- দণ্ডিনাথ কলিতা.djvu/৩২৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


অসবর্ণ বিবাহ আজিকালি বহুত শিক্ষিত মানুহ জাতিভেদ প্রথাৰ বিবােধী ; তাৰ কাৰণ পূৰ্বৰ নিয়ম লঙ্ঘন কৰি আজি কালি জাতৰ চিৰস্থায়ী বন্দৱস্ত কৰা হৈছে। জাতৰ এই জোখ যে বিজ্ঞানবিৰুদ্ধ তাক বিজ্ঞলােকে নিশ্চয় স্বীকাৰ কৰিব। সেই কাৰণে ই যিমান সােনকালে উঠি যায়, সিমানেই দেশৰ আৰু সমাজৰ মঙ্গল হ’ব বুলি মই ভাবো। কিন্তু ওপৰত কোৱা কৰ্ম্মগত বৰ্ণ-বিভাগ থাকিবই লাগিব। সেই মতে হলে খােৱা-লােৱা আদিত বিশেষ পার্থক্য ৰখাৰ আৱশ্যকতা নাথাকিলেও বিবাহত তাৰ আৱশ্যকতা আছে। মুঠ কথা, বৈদিক জাতি-বিভাগ মানি চলিলে অসবর্ণ বিবাহ কেতিয়াও সমর্থন কৰিব নােৱাৰি ; কিয়নাে এজন শাস্ত্ৰ-ব্যৱসায়ীয়ে এজনী কৃষক কন্যাৰ পাণিগ্ৰহণ কৰিলে, নাইবা এজন মৎস্যজীৱীয়ে ব্রাহ্মণ কন্যাক বিবাহ কৰিলে সাধাৰণতঃ সাংসাৰিক জীৱন সুখৰ হােৱাৰ সম্ভাৱনা নাই। কাৰণ দুয়াে জনৰ শিক্ষা-দীক্ষা, চলন-ফুৰণ, স্বভাৱ-চৰিত্ৰৰ বিশেষ তাৰতম্য থকা স্বাভাৱিক, আৰু সেই কাৰণেই সাংসাৰিক কৰ্তব্য সাধনত ব্যাঘাত জন্মাও সম্পূর্ণ সম্ভৱ। কিন্তু সেই বুলি এইটো বুজাও নিতান্ত ভুল, যে কোন বিশেষ কামত লাগি থকা মানুহৰ কোনাে সন্তানে পৈতৃক ব্যৱসায়ত বাজে আন একো শিকিব নােৱাৰে। ভাগ্যক্রমে যদি এজনী মৎস্যজীৱীৰ কন্যাই সুশিক্ষা লাভ কৰি শাস্ত্ৰ-ব্যৱসায়ত ধৰিব পাৰে, তেতিয়া হ'লে তেওঁৰ পৈতৃক জাত নাথাকিব, তেওঁ তেতিয়া শাস্ত্র-ব্যৱসায়ীৰ জাতলৈ উঠিব। তেতিয়া যদি তেওঁক এজন শাস্ত্র-ব্যৱসায়ীয়ে বিয়া কৰায়, তেতিয়া সেই বিয়াত কোনাে দোষ হ’ব নােৱাৰে আৰু তেনে বিয়াক অসবর্ণ বিবাহ নুবুলি সবর্ণ বােলাইহে শ্রেয়। মুঠতে যিবিলাক সমগুণবিশিষ্ট, তেওঁলােক একে জাতৰ, তেহলেই জন্ম যাৰে ঘৰতে হওক। বােধকৰো যি পিতা-মাতাৰ পৰা জন্ম পায়, লৰা-ছােৱালীও সাধাৰণতঃ তেনে গুণসম্পন্ন হয় দেখিয়েই পিচৰ কালত জাত জন্মগত কৰিলে, কিন্তু