পৃষ্ঠা:সাধনা- দণ্ডিনাথ কলিতা.djvu/৩১৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সাধনা গুপ্ত প্রণয় হে বিচাৰে, সেইটো ৰম্ভাই এতিয়াও ঠিককৈ বুজা নাই। বহুতাে ভাবি-চিন্তি ডেইটনক ক'লে,-“মােক ভাবিবলৈ এসপ্তাহ সময় দিয়ক।” ডেইটন-বাৰু সেয়ে হওক, কিন্তু এসপ্তাহৰ পিচত হ'লে এদিন ৰ’ব নােৱাৰিম। ৰম্ভা সম্মত হ’লআৰু সেইদিনাৰ আলােচনাও সিমানতে ৰ’ল। সেই দিনাৰ পৰা ৰম্ভা দিনৌ মিচেচ, ডিক্সনৰ ঘৰলৈ অহা যােৱা কৰিবলৈ লাগিল। দিনচেৰেকৰ পিচত এইটো স্থিৰ হ’ল যে ৰম্ভাই খৃষ্টান ধর্ম গ্রহণ কৰিলে মেকেঞ্জিয়ে তেওঁক ৰীতি-মতে বিবাহ কৰিব। ৰম্ভায়াে ধর্ম বিশ্বাসৰ বাবে নহলেও মেমচাহাব হােৱাৰ আশাত খৃষ্টান ধৰ্ম্মত সামাজিকভাবে দীক্ষিত হবলৈ স্থিৰ কৰিলে। ৰম্ভাৰ সিদ্ধান্ত শুনি ডেইটনৰ আনন্দৰ পাৰ নােহােৱা হ'ল। কাল বিলম্ব নকৰি যথানিয়মে ৰম্ভাক বেল্টাইজড, কৰালে। যদিও ইয়াৰ দ্বাৰা খৃষ্টৰ উপাসকৰ সংখ্যাৰ লৰচৰ নহ’ল, তথাপি মিশনৰ বহীৰ পাতত এজন খৃষ্টান বাঢ়িল। দীক্ষা ল’বৰ দিনা ৰম্ভাৰ মন বৰ অস্থিৰ হৈছিল ; মাজে মাজে একোবাৰ আপােনাআপুনি কৈছিল,-“হে হৰি, কি কৰিলা।” ইয়াৰ অলপ দিনৰ পিচতে ৰম্ভাৱতী মিচেচ, মেকেঞ্জি হৈ টেলিগ্রাফ। অফিচৰ কৰ্মচাৰী মিষ্টাৰ মেকেঞ্জিৰ ঘৰ পােহৰ কৰিবলৈ গ'ল, আৰু তাৰ পৰাই মিচেচ, ডিক্সনৰ দৰে স্কুলৰ কাম চলাবলৈ ধৰিলে।