পৃষ্ঠা:সাধনা- দণ্ডিনাথ কলিতা.djvu/২৬০

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সাধনা তেওঁক পুৰুষৰ সমাগমৰ পৰা নিলগাই ৰাখিব লাগে; কিন্তু বহুতে হয়তাে তেনে নিয়ম মানিবলৈ আপত্তি কৰিব। দীন—আপত্তি কৰিলে তেওঁক শিক্ষয়িত্রী নৰখাই ভাল। বিদ্যালয়ত শিক্ষকতা কৰিবলৈ পুৰুষৰ লগত গােপন পৰামৰ্শ কৰিবৰ কোনাে আৱশ্যক হ’ব নােৱাৰে। আন কাৰণতে আৱশ্যক হলে, স্কুলত নাইবা তৃতীয় ব্যক্তিৰ উপস্থিতিত কথা পতাত কোনেও আপত্তি নকৰে। উমা—কোনাে শিক্ষিত কুমাৰীয়ে যদি মাক-বাপেক বা ভায়েক ককায়েকৰ লগত থাকি ঘৰৰ পৰা অহা-যােৱাকৈ কাম কৰে, তেতিয়াও তেনে নিয়ম-প্ৰণালীৰ আৱশ্যক হবনে? দীন-সদায় নহয়, কিন্তু কেতিয়াবা হবও পাৰে। উমা-কেতিয়া ? পীন—এনে অভিভাবকো আছে, যি নিজৰ সাংসাৰিক সুবিধাৰ নিমিত্তে নিজৰ কন্যা বা ভগিনীৰ অধঃপতনত সাহায্য কৰে। তেনে অভিভাবকৰ তলত থকাতকৈ স্বাধীনভাবে থকাও ভাল, কাৰণ তেনে অভিভাবকৰ নামৰ ঢাকনীৰ তলত যি ইচ্ছা তাকে কৰিব পাৰে, কিন্তু অকলৈ থাকিলে অলপ ভয় কৰাৰহে সম্ভাবনা। উমা–তুমি বােধকৰো ৰম্ভালৈ লক্ষ্য ৰাখি এই কথা কৈছা ? দীন-মই কাৰৰ নাম ল’ব নােখােঙ; কিন্তু অভিভাবক দুশ্চৰিত্ৰতাৰ বাবে যে সন্তানৰ পতন হ’ব পাৰে, তেনে দৃষ্টান্ত বিৰল নহয় ;—বিশেষকৈ সেইবােৰ পৰিয়ালত, যিবােৰ পূৰ্বৰে পৰা ব্যভিচাৰ দোষত দুষ্ট। উমা—মই এইবােৰ কথা সােধাৰ উদ্দেশ্য আছে, বালিকা-স্কুলত তােৰ, প্ৰস্তাৱমতেই আৰু এজনী শিক্ষয়িত্ৰী ৰখাৰ কথা হৈছে; ৰম্ভা আৰু কোনােবা এজনীয়ে হেনাে আবেদনাে কৰিছে, কিন্তু তেওঁলােকৰ কাম দিবলৈ দুই এজন সভ্যৰ আগ্রহ থাকিলেও সৰহভাগৰ ইচ্ছা নাই। -২৫ -