পৃষ্ঠা:সাধনা- দণ্ডিনাথ কলিতা.djvu/১৮৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


বিবাহ প্রার্থী ভাবিছো। এইখিনি দিন একেলগে থাকিলে তুমিও মােক বাহিৰে ভিতৰে চিনিব পাৰিবা, ময়াে তােমাক চিনিব পাৰিম। | প্রভা—সেই বিষয়ে আপত্তি কেইবাটাও আছে। প্রথমতে যদিও মই আপােনালৈ চিঠি লিখিছিলোঁ তথাপি বিয়াৰ বিষয়ে বিশেষ ভাবি- চিন্তি স্থিৰ কৰা নাছিলোঁ। তাৰ পিচত মােৰ চিঠিৰ উত্তৰ পালে ভাবি-চিন্তি এটা ঠিক কৰিম বুলি ভাবিছিলো, কিন্তু কাৰ্যত যেনে হ’ল মই তেনে কৰিবলৈ সময় নাপালোঁ। | ৰমণী—মই দেখােন কৈছোৱেই আগেয়ে সময় পােৱা হলেও একো লাভ নহলহেঁতেন। এতিয়া দেখি-শুনি স্থিৰ কৰিবলৈ সুবিধাহে হ'ব। প্রভা—মই আমাৰ বিবাহ স্থিৰ কৰাৰ কথা কোৱা নাই। মােৰ বিয়া কাৰবাৰ লগত হ'ব নে নহয় তাকেই স্থিৰ কৰা নাই। | ৰমণী—তুমি যদি কুমাৰী হৈয়েই থাকিব খােজা তেনেহলে মােলৈ চিঠি লিখাৰ প্ৰয়ােজন আছিল কি ? | প্রভা—মই তেনেকৈ একো ঠিক কৰা নাই, কিন্তু সি এতিয়াও চিন্তাৰ বিষয় হৈ আছে। ৰমণী—তাৰ সিদ্ধান্তৰ নিমিত্তে কেইদিন লাগিব ? প্রভা—অন্ততঃ দুমাহ। প্রভাই দুমাহ সময় লােৱাৰ মানে এয়ে যে তাৰ ভিতৰতে স্কুল- সম্বন্ধীয় আলােচনাৰ শেষ হ’ব। যদি সেই আলােচনাৰ পিচতে তেওঁ অকলৈ থকা নিৰাপদ যেন দেখে, তেন্তে বিবাহত মত নিদিয়ে। যদিহে তেনে সুবিধাজনক সিদ্ধান্ত নহয়, তেনেহলে মনৰ ঘােৰ অশান্তি আৰু প্ৰাণৰ যন্ত্রণা লৈ বিবাহ অগ্নিত জাপ দিবলৈ সাজু হ’ব। ৰমণীমােহনে ক'লে,-“বৰ দীঘল সময় ; মই বােধকৰে সিমান দিন অপেক্ষা কৰিব নােৱাৰিম।” প্রভাতেনেহলে মই তাৰ আগেয়ে একো ক’ব নােৱাৰে।।