পৃষ্ঠা:সাধনা- দণ্ডিনাথ কলিতা.djvu/১৫১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


তথাপি যদি নাই মােমাইতকৈ কণা মােমায়েই ভাল বুলি তাক ৰাখিব লগা হয়, তেনেহলে যি অলপ সম্ভৱ, ৰাইজৰ উপকাৰ হােৱাকৈ চলাবলৈ যত্ন কৰা উচিত। মই যি কেইটা নিয়ম বান্ধি দিছিলো, সেই মতে চলা হ'লে আজি তাৰ পৰা কিছু প্রকৃত শিক্ষা হ'লহেঁতেন আৰু এনে কলঙ্ক প্ৰচাৰ হবলৈ নাপালেহেঁতেন। | কমল—সেইটো সঁচা। এতিয়াও তেনে সংস্কাৰ কৰাই আমাৰ উদ্দেশ্য। এইবােৰ নিয়ম-প্ৰণালীৰ সম্পর্কে আকৌ নকৈ সিদ্ধান্ত হােৱা উচিত। দীন-মােৰ সিদ্ধান্ত মই গঠন কৰা নিয়মখিনিতে আছে, তাৰ পৰা অলপপ ইফাল সিফাল কৰিবলৈ মই সাজু নহওঁ। কমল-অকল থাকিলেই নহয়, আকৌ এখন সভা পাতি তাৰ মীমাংসা কৰিব লাগে। তেনে এখন সৰ্বসাধাৰণৰ সভা পাতিৰৰ নিমিত্তে আমি সকলে গণ্যমান্য মানুহৰ স্বাক্ষৰেৰে সৈতে চেক্রেটাৰীলৈ এখন আর্জি দিব খুজিছে। বােধকৰো তাত চহী দিবলৈ তােমাৰ আপত্তি নহ'ব ? দীন—আর্জিখন দেখিলে হে ক'ব পাৰে। ৰাজখােৱাই তেতিয়া আলিখন দেখুৱালে। আখিন ইংৰাজীৰে লিখা আৰু ‘টাইপ’ কৰা, অসমীয়ালৈ অনুবাদ কৰিলে সি এনে হয়। যুক্ত বালিকা বিদ্যালয়ৰ চেক্রেটাৰী মহাশয়ৰ সমীপেষু। চন ১৯১০, তাং ১৪ অক্টোবৰ। মহাশয়, স্থানীয় ৰাইজৰ হৈ আমি স্বাক্ষৰকাৰীসকলে আপােনাক জনাওঁ