পৃষ্ঠা:সাধনা- দণ্ডিনাথ কলিতা.djvu/১৪৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


দুর্গাপূজা বেৰতনােনা প্রকাৰ কামনা-উদ্দীপক চিত্র ; মাজে মাজে কাগজৰ ৰংচঙীয়া ফুল-লতা। সে মাজতে এখন ঘূৰণীয়া মেজ আৰু চাৰিও- ফালে নানা গঢ়ৰ মাচিয়া। ওপৰত এটা কৰ; এটা খুটাত এটা ডাঙৰ ঘৰি। | এই ঘৰটোৰ সন্মুখতে বিচিত্র চন্দ্রাতাপেৰে সভা সজোৱা হৈছে। খুঁটাবােৰত ৰঙীন কাগজ আৰু চালু কাপােৰ মেৰিওৱা, তাৰ ওপৰত আকৌ জকমকীয়াকৈ ফুল-পাত বন্ধ ! সােমােৱা বাটটো অতি বিতােপনকৈ সজোৱা হৈছে। মাটিত কার্পেট পৰা। এই ৰভাৰ উত্তৰ ফালে এটা টিনৰ এচলীয়া অস্থায়ী ঘৰত প্রতিমা ৰখা হৈছে। এইখিনি পৰিবৰ্ত্তনৰ বাহিৰে বাকীবােৰ ঘৰ-দুৱাৰৰ বিশেষ পৰিবৰ্তন হােৱা নাই। মাথােন বেৰ আৰু পিৰালিবিলাক জীর্ণ-শীৰ্ণ হৈ মাজে মাজে ভাগিছে। বাৰীচুকৰ শস্যৰ ঠাই হাবিয়ে অধিকাৰ কৰিছে আৰু ভেটা ভাগি যােৱাত গৰু-ম’হে দখলী-স্বত্বৰ দাবি কৰিছে। পূজাৰ কাৰ্য্য সুকলমেই সমাধা হ’ল। দেৱীৰ ভাগত নৈৱেদ্য কিঞ্চিৎ হলেও একেবাৰেই তেওঁ বঞ্চিত হােৱা নাছিল। মানুহৰ নিমিত্তে হ'লে আয়ােজন সম্পূর্ণ খােল অনা হৈছিল। | নিমন্ত্রিতৰ সংখ্যা বৰ বেচি নাছিল। কার্তিকচন্দ্ৰই তেওঁৰ দলৰ স্থায়ী সভ্য কেইজনক আৰু অস্থায়ীভাবে লগলগা লগৰীয়া জনচেৰেকক মাথােন নিমন্ত্রণ কৰিছিল। মাকহঁতে দুই চাৰিজন লগাভগা মানুহক মাতিছিল আৰু তেওঁলােকৰ অভ্যর্থনাৰ আয়ােজন সুকীয়াকৈ কৰিব লগা হৈছিল। পূজাৰ আটাইকেইদিন কার্তিকচন্দ্ৰই তেওঁৰ বন্ধুদলক ভােজ দিছিল ; মদ-মাংসৰ আয়ােজন যথেষ্ট হৈছিল। নানা প্রকাৰ মিঠাই আৰু সুমিষ্ট ফল বেলেগ বেলেগ ঠাইৰ পৰা সংগৃহীত হৈছিল। পোলাও, কালীয়া, কোর্মা, চুৰুহা আদিৰ পলা মিশ্রিত গো বাটৰ