পৃষ্ঠা:সাধনা- দণ্ডিনাথ কলিতা.djvu/১৪৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সৰ্বা এৰা হয়, কি কোৱা ভূঞা ? পিচত আকৌ ক’বা বােলে সিহঁতে কেইটামান টকা দিয়েই মােৰ নামটো লুকুৱালে। তপেশ্বৰ-মই দেখাত তেৱেঁই পূজাটো পতাহে ভাল, তেতিয়া হ'লে গাৱে-ভূয়ে তেওঁৰ নাম ৰৈ বৈ যাব। কার্তিক-পূজাতননা কিমান খৰচ পৰিব ? ৰাজখােৱা -বেচি আৰু কি পৰিব! দুকুৰি কি তিনিকুৰ হ'লেই হৈ যাব। কার্তিক-তেনেহলে ময়েই সেইখিনিও দিম। এহেজাৰ দিব পাৰিলে, সেই কেইটা টকা দিব নােৱাৰিম নে? এনেকৈয়ে কার্তিকচন্দ্র দুর্গা-পূজা পাতিবলৈ সম্মত হ’ল আৰু নিয়মমতে সকলাে আয়ােজন চলিবলৈ ধৰিলে। | কিছু দিনৰ পিচত সকলােৱেই শুনিলে—এইবাৰ পূজাত এখন প্রতিমা বেচি হ’ব, কার্তিকচন্দ্ৰয়াে দুর্গা-প্রজা পাতিছে। পাঠক, আপুনি পূজা চোৱা মানুহৰ লগত গৈ থাকিলেই কার্তিকচন্দ্ৰৰ ঘৰত ওলাব পাৰিব, কিন্তু আপুনি আগৰ বাৰ তেওঁৰ ঘৰৰ যি দৃশ্য দেখিছিল, এতিয়াও ঠিক সেই দৃশ্যকে দেখিবলৈ পাব বুলি আশা নকৰিব। | এতিয়া পদূলিত ভৰি দিয়েই আগেয়ে নেদেখা এটা চাৰি চলীয়া চ’ৰা ঘৰ দেখিবলৈ পােৱা যাব। ঘৰটো সজা বেচি দিন হােৱা নাই। ঘৰৰ ভেটি আৰু বেৰৰ আধাখিনিলৈকে পকা। সম্মুখত বাৰাণ্ডা আছে। দুৱাৰ-খিৰিকী মুঠতে এঘাৰখন ; তাত ফুলাম কাপােৰৰ আঁৰ কাপােৰ আঁৰা। ভিতৰত এটা আলমাৰীত বহুততা লাহ-বিলাহৰ বস্তু, গ্রামােফোন, ঢােলােক, তবলা, বেহালা আদি এখন দীঘলীয়া মেজৰ ওপৰত শৃঙ্খলা লগাই সজোৱা। লগতে তাচ, পাশা আৰু দবা খেলৰ সঁজুলি। ওচৰতে এটা “টেবল হার্মোনিয়”।