এই পৃষ্ঠাটোৰ বৈধকৰণ হৈছে
৮৩
সাত্বত তন্ত্ৰ।
অহিংসা পৰম ধৰ্ম্ম বেদৰ বচন।
বেদৰ নিবৃত্তি অৰ্থ জানিবা শোভন॥ ৩৫৭॥
শুনা সভাসদ কৃষ্ণ কথা মনোহৰ।
পৰম সৰ্ব্বস্ব ইটো ভকত জনৰ॥
তন্ত্ৰ বুলি আক নকৰিবা অৱহেলা।
ভকতি সুখৰ দেখা আছে আত মেলা॥ ৩৫৮॥
কৃপায়ে কহিলা যাক দায়ালু শঙ্কৰে।
শুনিলন্ত সাদৰে নাৰদ মুনিবৰে॥
ইহাক শুনিলে হুইবে অৱশ্যে কুশল
হেন জানি তেজিয়োক মনত বিকল॥ ৩৫৯॥
কৃষ্ণৰেসে কথায়ে চিত্তক কৰে শান্ত।
এতেক কথাত চিত্ত কৰিয়ো একান্ত॥
কৃষ্ণৰ কিঙ্কৰে কহে ভাগৱত মিশ্ৰ।
ৰাম ৰাম বুলি তৰা সংসাৰ তামিশ্ৰ॥ ৩৬০॥
⸻০⸻
ছবি।
শঙ্কৰ বদতি মুনি হিংসাৰ কহিলোঁ কথা
বেদ যেনহি অভিপ্ৰায়।
বিশেষত ভকতৰ হিংসা কৰ্ম্মত্যাগ হুই
যাতো হৰি সবাতো আছয়॥
