এই পৃষ্ঠাটোৰ বৈধকৰণ হৈছে
৪০
সন্তসাৰ।
ৰাম নাম মহা ধৰ্ম্ম তাহান্তে কহিলা।
নিৰ্গুণ ভকতি ভাগৱত আচৰিলা।
অনন্তৰে পিতৃৰ স্থান আহিলন্ত।
পিতৃ মূখে ভাগৱত শাস্ত্ৰ পঢ়িলন্ত॥২০৮॥
পৰম পূৰুষ পূৰ্ব্ব কথা স্মৰিলা॥
মহাজ্ঞান ভক্তি ভাৱে মধ্যে উপজিলা
ৰাজাত কহন্তে শুক সবে আহিলন্ত।
শুক গুৰু প্ৰহ্লাদত সুতে শুনিলন্ত॥২০৯৷।
এহি মতে শত অপবিত্ৰ সুত জাতি।
তেবে মহা মহন্ত বৈষ্ণব ভৈলা অতি॥
সবে ঋষি ব্ৰহ্মা তাঙ্ক সাদৰে বন্দিল।
মহা গুৰু শুক”ৰ যশস্যা বাখানিল॥২১০॥
মূল মন্ত্ৰ পঞ্চতত্ব আরু পঞ্চবৰ্ণ।
পঞ্চ গুণে সমে ই গুৰু সৰ্ব্বক্ষণ॥
এতেকেহে সেহি জন গুৰু জগতৰ।
বাৰ গুণ বিপ্ৰে তাঙ্ক লুহি সম হৰ॥২১১॥
পূৰ্ব্বে পাৰ্ব্বতীত দুয়ো কৰিছা কথন।
আপোন মালয় যিতু সেহি বৌদ্ধজন॥
অল্পমান শাস্ত্ৰ পঢ়ে ভাল নমানয়।
বৈষ্ণব সবৰ অপৰাধ বুলি কয়॥২১২
সেহি হে শূকৰ পাপী ছাহিবে নাহি মুখ্য।
যেহেন কৰে কৰে বিষ্ঠা মাত্ৰ ভোখ্য॥
