পৃষ্ঠা:সন্তসাৰ.djvu/৪০

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
৩২
সন্তসাৰ ৷

অনেক প্ৰবন্ধে বিধি তাহাক লভিলা।
পৰম কৰুণা গুণে নাৰদক দিলা॥১৬৫॥
ভাগৱত ধৰ্ম্ম ধৰি অলকা নন্দন।
পাছে শঙ্কৰৰ স্থানে কৰিলা গমন॥
স্তুতি নতি ভকতি কৰিলা বহুতৰ।
শঙ্কৰৰ দিলা ৰাম নাম মনোহৰ॥১৬৬॥
তাহাক কীৰ্ত্তন কৰি ফুৰা বিনা ধৰি।
শুনিয়োক ব্যাসক দিলন্ত যেন কৰি॥
কৈবৰ্ত্তে মৎস্যৰ গৰ্ভে পাইল কণ্টা খানি।
মৎস্য গন্ধা নাম তাক তুলিলেক আনি॥১৬৭॥
পৰাশৰ নামে ঋষি গৃহে পশিলন্ত।
সৰ্ব্বানন্দ সুন্দৰী কন্যা তাত দেখিলন্ত॥
সেহি বেলা কন্যা মোক আলিঙ্গন দিয়া।
কন্যা বোলে চুত কাল হন্তে হলো বিয়া॥১৬৮॥
ঋষি বোলে যুবা হও মই দিলু বৰ।
কন্যা বোলে আন দুনাই জলৰ ওপৰ॥
ঋষি যেন কুঠলিক নিৰ্ম্মাণ কৰিলা।
মৎস্যৱতী গৰ্ভে ব্যাস ঋষি প্ৰবেশিলা॥১৬৯॥
পৰভাতে জন্ম দিহৰাতে জাত তৈলা।
এতে কেহে তাৰ নাম দ্বৈপায়ন থৈলা॥
কলেৱৰ তাৰ তপষ্যাক জানি লন্ত।
মাতৃক প্ৰবোধ কৰি চলিয়া গৈলন্ত॥১৭০॥