এই পৃষ্ঠাটোৰ বৈধকৰণ হৈছে
২০১
সটীক নামঘোষ।
[ ২৪৭ ]
কৰা কোন কাম বোলা ৰাম ৰাম
তেজিয়ো মুখে আলাস।
ভকতৰ সঙ্গে হৰি গুণ গাই
বৈকুণ্ঠে কৰিয়ো বা॥
অন্ধ কামনা এৰা ভগৱানৰ নাম লোৱা; এলাহ এৰি ৰাম ৰাম মুখেৰে উচ্চাৰণ কৰা। ভকতৰ লগ লাগি বা সাধু-সঙ্গ হৈ হৰিনাম শ্ৰৱণ-কীৰ্ত্তন কৰি বৈকুণ্ঠবাসী হোৱা মুক্তি লাভ কৰা।
[ ২৪৮ ]
আন ধৰ্ম্ম যত হৰিৰ নামৰ
ৰেণুকো নোহে সমান।
হেন হৰিনাম অমৃত সাগৰে
সন্তোষে কৰিয়ে পান॥
অন্য দেৱ-দেৱীৰ পূজা-সেৱাৰ লগত হৰিৰ নাম-কীৰ্ত্তনৰ তুলনা নহয়, অৰ্থাৎ হৰিৰ নাম -কীৰ্ত্তন ধৰ্ম সকলো ধৰ্ম্মতকৈ শ্ৰেষ্ঠ; এনে সৰ্ব্বশ্ৰেষ্ঠ হৰিনাম একান্তমনে লৈ পৰম আনন্দে নামৰূপ অমৃত সাগৰত পৰি তাক পান কৰা অৰ্থাৎ শ্ৰদ্ধাৰেসৈতে সদায় নাম লৈ সন্তোষ লাভ কৰা।