এই পৃষ্ঠাটোৰ বৈধকৰণ হৈছে
১৯৬
সটীক নামঘোষা
অঞ্জনীয়া কৰি লৈয়ো--জ্ঞানৰ বা মুক্তিৰ পথ দেখুৱাই দিয়া স্বৰূপে লোৱা।
চুড়িয়া-তাঙি।
মহন্তসকলৰ লগত ৰাম নামকে মুক্তিৰ পথ দেখুৱাই দিয়া সম্বল স্বৰূপে লোৱা অৰ্থাৎ ভগৱানৰ নামকেই মুক্তিৰ বাট দেখুৱাই দিয়া কৰি লৈ ভক্তৰ লগত একান্তমনে ৰাম নাম লোৱা; আৰু হৃদয়ৰ কপট ঢাকোন অৰ্থাৎ বেঁকা ভাৱ এৰি একান্তমনে শ্ৰদ্ধাৰে সৈতে নাম লৈ নিজৰ হৃদয়ৰূপ ভঁৰালত ভগৱানক চোৱা। [ এক মনে ভগৱানৰ নাম ললে নিজৰ হৃদয়তে ভগৱানক দেখা পাবা। ]
[ ২৩৯ ]
ৰাম কৃষ্ণ ৰাম কৃষ্ণ ৰাম কৃষ্ণ
ৰাম কৃষ্ণ ৰাম হৰি।
আলাস তেজিয়া জপিও হৰিক
জানি এক মন কৰি॥
এলাহ এৰি ভগৱানৰ ৰাম, কৃষ্ণ, হৰি আদি নাম একাত্মমনে সদায় মুখত লোৱা৷
[ ২৪০ ]
মহন্তৰ সঙ্গে সদায় মুখত
নছাৰিবা হৰি বাণী।
তেবেসে চঞ্চল দুৰাচাৰ মন
হৈবে আসি এক জানি॥
