এই পৃষ্ঠাটোৰ বৈধকৰণ হৈছে
১৪৬
সটীক নামঘোষা
অহং কিলেন্দ্ৰো দেৱানাং ত্বং গবামিন্দ্ৰতাং গতঃ।
গোবিন্দ ইতি লোকাস্তাং স্তোষ্যন্তি ভুবি শাশ্বতম্॥ ১৬৭
[ ১৬৭ ]
ইন্দ্ৰ আদি দেৱে গোৰ ইন্দ্ৰপাতি
কৰিলন্ত অভিষেক।
পৰম প্ৰসিদ্ধ গোবিন্দ নামক
ধৰিলা হৰি প্ৰত্যেক॥
গোৰ ইন্দ্ৰপাতি-বেদৰ ৰজা পাতি।
গোবিন্দ-বেদজ্ঞ।
বেদ ভগৱানৰ তত্ত্বমূলক গ্ৰন্থ। বেদৰ সূক্তবোৰ ইন্দ্ৰ আদি দেৱতাসকলৰ স্তুতি গান। গতিকে ই আদি দেৱতাসকলে বেদত ভগৱানক স্থাপন কৰি নানা স্তুতি গানেৰে তেওঁক অভিষিক্ত কৰাৰদৰে ( ৰজা পতাৰদৰে) হৈছে। ভগৱান বেদত আছে, তেওঁ বেদজ্ঞ; এই কাৰণেই তেওঁ গোবিন্দ নাম লৈছে বা তেওঁক গোবিন্দ বোলোঁ।
[ ১৬৮ ]
দেশে কালে তাঙ্ক একোৱে প্ৰকাৰে
কৰিতে নপাৰে অন্ত।
এহি হেতুতেসে ঈশ্বৰৰ নাম
প্ৰসিদ্ধ ভৈল অনন্ত॥
