এই পৃষ্ঠাটোৰ বৈধকৰণ হৈছে
৩৫
জাতীয় সঙ্গীত।
হ’ব তোমাৰ ভাল, পুত্ৰ পৰিয়াল,
কৰিছে যতন হে।
আশা-কানি অনি, মোছাঁ চকুপানী,
আজলী নিচলী হে।
চোৱাঁ চকু মেলি, শত ল'ৰা মিলি,
কৰে আয়োজন হে।
জানি লবা আই, তোমাৰ বিলাই,
আৰু নেথাকিব হে।
অধম সন্তান, ছিলোঁ এতে দিনে,
টোপনি-মগন হে।
মোহ নিদ্ৰা গ'ল, কাল মায়াজাল,
ছিগিছে ভাগিছে হে।
আথে বেথে ধৰাঁ, তোমাৰ যত ল’ৰা,
লোৱাঁ আঁকোৱালি হে।
মূৰত চুমা খাই, দিয়াঁ পঠিয়াই
শুভ লগ্ন চাই হে।
যাব কৰ্ম্ম-থলী, আনিব বুটলি
সৌভাগ্য-টুপলি হে।
বেণুধৰ ৰাজখোৱা, বি, এ।
