এই পৃষ্ঠাটোৰ মুদ্ৰণ সংশোধন কৰা হৈছে
(১৪৬)
শুনি দশ গ্ৰীৱে সৈন্য পাঞ্চিলেক
মাৰিলা তাকো সমস্ত॥৬১৯॥
পাছে অক্ষয়ক পঠাইলেক যিটো
ৰাৱণা তাতে নিস্ফল।
দুৰ্ঘোৰ সমৰে মাৰিলেক তাকো
হনুমন্ত মহা বল॥
পুত্ৰৰ মৰণে শোক লভিলেক
দশগ্ৰীৱ অতিৰেক।
বোলে মনে ডৰি নাহি তাক সৰি
ইন্দ্ৰজিত পঠাইলেক॥৬২০
সিটো খেদি গৈয়া হনুক দেখিয়া
প্ৰহাৰিলা নাগ বাণ।
বন্ধন নগৈলে ব্ৰহ্মা লাজ হন্ত
জানি লৈলা হনুমান॥
ৰাক্ষস সকলে সাঙ্গি বান্ধি লৈয়া
ৰাজাৰ আগে পেহ্লাইলা।
দশগ্ৰীৱে পাছে হনুক দেখিয়া
প্ৰহস্ত মুখে পোচাইলা॥৬২১
প্ৰহস্তে বোলয় শুন কপিবৰ
কোথাহতে আসি ভৈলি।
কাৰ দূত তই কহ সত্য কৰি
কি কাৰ্য্যে তই আসিলি।
