এই পৃষ্ঠাটোৰ মুদ্ৰণ সংশোধন কৰা হৈছে
(৭৪)
এতেকে সবাকে এৰি শুনিয়োক আগ বাঢ়ি
ৰামৰ চৰিত্ৰ সুধাময়।
ৰামত ভকতি এৰি ঘোৰ পৰলোকে গৈলে
তৈতে মহা মিলিবেক ভয়॥
তাক দূৰ কৰিবাক কোন বন্ধু নপাৰয়
জানিলোৱা নাম গুণ নাম।
অনন্তে বোলন্ত ভাই ৰাম বিনে গতি নাই
নিৰন্তৰে বোলা ৰাম ৰাম॥৩০১
ঘোষা ॥ ৰাম পদ্মপণি ৰাঘৱ পদ্মপাণি।
ৰাজীব লোচন জানকীৰ প্ৰাণ খানি॥
পদ
স্বামী আসিবাৰ দেখি জানকী সুন্দৰী।
সাদৰে বাঢ়িলা আগ কতিপয় ভৰি॥
সীতায়ে দেখিলা মুখ নজ্বলে স্বামীৰ।
কৃতাঞ্জলি বুলিবে লাগিলা ধীৰে ধীৰ॥৩০২
কি ভৈল কিসক প্ৰভু আনন্দ ৰহিত।
তযু পিতৃ নিয়াইলন্ত ৰাজ্য জোকাৰিত॥
দণ্ড ছত্ৰ চামৰ ধৰিয়া সেনাগণ।
মত্ত গজ যুথ সঙ্গে নাই কি কাৰণ॥৩০৩
