এই পৃষ্ঠাটোৰ বৈধকৰণ হৈছে
শুনৰে পাপিনা কৈকেয়ী দাৰুণী
ৰামেনো কৰিলা কিক।
ৰাজ্যক খণ্ডাস বনক পঠাস
সিঞ্চাৰস ৰাজ্যে বিষ॥
ৰামেসে মোহোৰ ধন-জন-প্ৰাণ
তাহাঙ্ক কৰ নৈৰাশ।
শুন কুলক্ষিণী যেন ৰাক্ষসিনী
স্বামী পুত্ৰ দুইকো খাস॥২৭৭
এভো হেন কৰ লউ আন বৰ
তেজিতে নাপাৰোঁ ৰাম।
জান একতিলে ৰামক এৰিলে
মোহোৰ নৰহে প্ৰাণ॥
এহিমতে তাঙ্ক শান্ত কৰিবাক
নপাৰিলা নৃপবৰ।
তাহান ঘৰত নিশা পুহাইল
শুনা আত অনন্তৰ॥২৭৮
প্ৰভাতে উঠিয়া যত মহাপাত্ৰ
গৈল ৰাজ-সিংহ দ্বাৰ।
পৃথিবী নাথক জগাইবে লাগিলা
কৰিয়া জয়-ঝোকাৰ॥
এভো— এতিয়া।
