এই পৃষ্ঠাটোৰ মুদ্ৰণ সংশোধন কৰা হৈছে
১৮৮
১৮৮
৺শঙ্কৰদেৱ।
গঙ্গা আদি তীৰ্থ যত সমস্তে কৰিলা।
জগন্নাথ দৰশন দুই বাৰ ভৈলা॥
নকাণ্টিল বলি অষ্টভূজ, নুপূজন্ত।
বেদৰ বিহিত কৰ্ম্ম সমস্তে কৰন্ত॥ ৭৪৮
শুনি ৰাজা একো ভাল মন্দ নুবুলিলা॥
কণ্ঠ যে ভূষণ চলি বানঘৰে গৈলা।
শুনিয়া বাহ্মণ সবে কহিলা ৰাজাত।
শূদ্ৰে গুৰু বোলাবয় তোমাৰ ৰাজ্যত॥ ৭৪৯
সমস্তকে নিষেধিলা দেবী পূজিবাক।
দেই উপদেশ মাত্ৰ হৰি ভজিবাক॥
জানাইলোঁ ৰাজাত আমি জানি এহি কথা।
কৰিয়ো বিচাৰ শঙ্কৰক আনি এথা॥৭৫০
এহি কথা জানি কণ্ঠ ভূষণ পণ্ডিত।
ৰামানন্দ ঠাকুৰৰ গৈলন্ত সন্নিত॥
সংগোপ্যে কহিলা কথা যি ভৈল বৃত্তান্ত।
মহা মনদুখে ৰামানন্দে মাতিলন্ত॥ ৭৫১
ৰাজা কিবা বোলে তাক জানিয়া সভাত।
গোপ্য কৰি গুৰু আসি কহিবা আমাত॥
ভাল বুলি কণ্ঠ ভূষণ চলি গৈলা।
আউৰ দিনা আসি ৰাজা সভাত বসিলা॥ ৭৫২
