পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/২৮

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
১৮
শ্ৰীমদ্ভগৱদ্‌গীতা

বৃষকেতু বৃষসেন ভীষ্ম গুৰু দ্ৰোণ।
সুশৰ্ম্মাক আদি কৰি সংসপ্তকগণ॥ ৯
বিন্দ অনুবিন্দ যে বিসঙ্গ চেদিপতি।
শক যে যৱন তালভদ্ৰ জঙ্ঘমতি॥
সুবেগ মল্লাৰ কৃত বীৰভদ্ৰ ভানু।
পুৰঞ্জন ভগীৰথ পাৰিপাত্ৰ থানু॥ ১০
গয় গদ শতধনু বীৰ ময়মত্ত।
বীতিহোত্ৰ চেদিপতি কাম বীৰদত্ত॥
মোক আদি কৰি শত ভাই ধনুৰ্দ্ধৰ।
সংগ্ৰামে মাৰিবো যদি আসে পুৰন্দৰ॥ ১১
অপৰ্য্যাপ্ত সেনা লেখিবাক কাৰ গহ।
যাৰ সেনাপতি ভৈলা ভীষ্ম পিতামহ॥
একাদশ অক্ষৌহিণী সেনা ভয়ঙ্কৰ।
সাত অক্ষৌহিণী সেনা পাণ্ডৱ দলৰ॥ ১২
তথাপি আমাৰ সেনাৰ নেদেখোহো বল।
পাণ্ডৱৰ সেনা যেন দেখি কালানল॥
হেন জানি ভীষ্মক ৰাখিয়ো পৰস্পৰ।
পৃষ্ঠভাগে আনে যেন নকৰয় শৰ॥ ১৩
যাৱে ভীষ্ম থাকন্ত আমাৰ কাক ভয়।
সবাৰে জীৱন ভীষ্ম জানিবা নিশ্চয়॥
ভীষ্মক নৃপতি কৰিলন্ত সাধুৰ্ব্বাদ।
কুতুহলে সেনাপতি কৰে সিংহনাদ॥ ১৪