পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/১৯৪

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

একাদশ অধ্যায়

বিশ্বৰূপ দৰ্শনযোগ

ছবি


গজেন্দ্ৰ নামিল জলে   গ্ৰাহেও ধৰিলা বলে
  এৰাইতে নপাৰি ভৈলা শান্ত।
সবে হস্তী বল দিল   এৰাইবাক নাপাৰিল
  জলতে মগন ভৈলা মাত্ৰ॥
পূৰ্ব্বৰ ভক্তিৰ বলে   তোমাক স্মৰিলা মনে
  পদ্মগোট শুণ্ডে ধৰি তুলি।
মৃত্যুভয়ে মগ্ন ভৈল   চৰণে শৰণ লৈল
  ত্ৰাহি ত্ৰাহি নাৰায়ণ বুলি॥৮০৪
কৃপাময় দেৱহৰি   গৰুড় স্কন্ধত চৰি
  শীঘ্ৰে আসিলন্ত চক্ৰপাণি।
ভক্ত দুখ দেখি স্বামী   গৰুড়-স্কন্ধৰ নামি
  গ্ৰাহকো কাটিলা চক্ৰ হানি॥
হে কৃপাময় কৃষ্ণ   স্বামী প্ৰিয় গুৰু ইষ্ট
  চৰণে শৰণ মাত্ৰ লৈলো।
গীতা গৃঢ় অৰ্থচয়   পণ্ডিতো সংকোচ হয়
  মই মূৰ্খে পদ আৰম্ভিলো॥৮০৫