এই পৃষ্ঠাটোৰ বৈধকৰণ হৈছে
( ৬১.)
মোহৰ একান্ত ভকত জনক;
বুলিবে ভৈল পাষণ্ড॥
ব্ৰাহ্মণ ক্ষেত্ৰিয় বৈশ্য সুদ্ৰ চাৰি;
জাতি হৈবে একাকাৰ।
কলিযুগে বৰ্ন্না বৰ্ন্নন জানিবে;
গুচিবে লোক আচাৰ॥
সদায়ে কলিৰ লোকৰ হৃদয়;
মলিন হৈবে অপাৰ।
পাতকি জনৰ ধৰ্ম্মত কৰ্ম্মত;
নহৈবেক অধিকাৰ॥
ৰাম হেন ইটো দুগুটি অক্ষৰ;
সদায়ে সাদৰে গাৱে।
দুৰ্ঘোৰ সংসাৰে সাগৰ তৰিয়া;
বৈকুণ্ঠক সুখে পাৱে॥
অনেক মনুষ্য নাৰায়ণ পৰ;
হৈবেক কলি যুগত।
সত্যাদিৰ লোকে কলিত জনম;
বাঞ্চিবে অতি মনত॥
শাস্ত্ৰৰ সমাধি পূজা যজ্ঞ দান
সমস্তে শ্ৰম এড়াই।
মহা সুখে মোক্ষ লভিবে কলিত।
মোৰ নাম গুণ গাই॥
৬
