পৃষ্ঠা:শিশু লীলা.djvu/১৮

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
১৬
শিশু লীলা।

কোনে ফল লৈবে বুলি ডাকিল পসাৰী।
ধান্য দিয়া ফুল তুমি খুজিলা মুৰাৰি॥
তোমাৰ হস্তক ভৰি দিলে ফল বাছি।
সুবৰ্ণ ৰতনে তাইৰ উপচিল পাছি॥
আসিল দানৱ গোট বৎসৰূপ ধৰি।
লাঙ্গুল সহিতে তাৰ ধৰি পাছ ভৰি॥
আলগতে ফুৰাই পাক হানিলাহা দলি।
কপিত্থত পড়ি যমপুৰে গৈল চলি॥

⸻⸻

ঘোষা

ৰাম চৰণে ধৰো স্বামি!
আমি যেন তৰো।

বকাসুৰে কৃষ্ণক গিলিলে ঠোটে ধৰি।
দেখি গোপ শিশুগণ যেন গৈল মৰি॥
পাছে তাৰ তালুত লাগিল যেন জুই।
ছাদিলে কৃষ্ণক বকে বিমূৰ্চ্ছিত হুই॥
দুনাই ঠোটে গিলিবাক আসে দেখি তাক।
ধৰিয়া চিৰিলা যেন বিৰিণা পতাক॥
সবান্ধৱে ধেনুককো নিলা ৰসাতল।
গোপ শিশুগণক ভুঞ্জাইলা তাল ফল॥