এই পৃষ্ঠাটোৰ মুদ্ৰণ সংশোধন কৰা হৈছে
১৯৮
সোঁৱৰণীৰ অলেখ ভাষা শিল্পীপ্ৰাণ প্ৰয়াত উমেশ বৈশ্য
তোমাক সাৱটি ধৰোঁ
(উমেশ বৈশ্য ছাৰৰ সোঁৱৰণত)
ডাঃ ৰাজীৱ ভট্টাচাৰ্য
ৰূপনগৰ, গুৱাহাটী
১। আমিবোৰ তেতিয়া সৰু সৰু
নিশা পুৱতি
জোনাক বিচাৰি ফুৰোঁ
গানৰ জোনাক
সুৰ-ধ্বনি তুলি, ভীম পলাশ্ৰী ৰাগৰ
তুমি এটি জোনাকী
তোমাক গুন্ গুন্ কৈ সাৱটি ধৰোঁ
২। এটি সুৰে এখন পৃথিৱী সজোৱা দেখো
তন্ময় এখন পৃথিৱী
যি বুকু ফালি দিব পাৰে
সুৰৰ কেঁচা - কোমল নিজৰা এটি
তাৰ এচলুৰে গুচাও আমাৰ পিয়াহ
শইচৰ সুহুৰি সনা সুৰৰ পিয়াহ
৩। ঘৰবোৰ ধোঁৱাৰ আঁৰ হ’ল
ঘৰবোৰ ছাই হ’ল
তোমাৰ সুৰৰ সঁজাৰ পৰা সিঁচা সঁচা সুৰ
তপত তেজত টোপাটোপে পৰকহি
তাতে বিৰিঙি উঠক - সন্ধ্যা
তোমাৰ সুৰৰ আৰতি।
