এই পৃষ্ঠাটোৰ মুদ্ৰণ সংশোধন কৰা হৈছে
১৯৯
উমেশ বৈশ্যৰ স্মৃতিত কবিতা
দোঁ খাই অহা আকাশ
(দাদালৈ অশ্ৰু অঞ্জলিৰে)
দিলীপ কুমাৰ দাস।
ৰূপনগৰ,
গুৱাহাটী
তোমাৰ হাতত তুলসী
দুচকুত শিশিৰ সিক্ত গোলাপ
বাসন্তী মুখত
সূৰুযমুখী বাসনা
তোমাৰ দৃষ্টিত নিৰিবিলি ছন্দ
চিৰ স্ৰোত এসাগৰ অমৃত সংলাপ
তোমাৰ হৃদয়ত দেখিছোঁ
আকণ্ঠ সুৰধ্বজা
অনিমেষ নীলিম আলোকী আকাশ
তোমাৰ আঘোণীয়া হাতৰ পৰশত
সোণোৱালী শইচ
হালে-জালে সোণগুটি
থুৰিয়া-থুৰি পোখা মেলে তিহিতি জোনাক
তুমি বকুল হাতত লৈ ভালপোৱা
এফাকি কপৌবেণী কবিতা
তোমাৰ নাতিশীতোষ্ণ সেউজীয়া হাত
কলিজাৰ কুকিত অলেখ
প্ৰেমাতুৰ অনুভূতি
হেঙুলী হাচনাহানাৰ সপোন
