এই পৃষ্ঠাটোৰ বৈধকৰণ হৈছে
( ১৪ )
এনেকৈ বঁওতে বিহু ছেৰা হ’ল
থলেহি চালতে আঁৰি।
নিগনিয়ে পাই চপাই কোছাই
বিন্ধা দিলে সাৰি সাৰি॥
যেই হকে তেও বছেৰেক বই
উলিয়ালে যেনে তেনে।
ওচৰৰ শিপিনী চাবলৈ আহিলে
কাপোৰ্ বা হইছে কেনে॥
জবৰা জাবৰি ভবৰা ভাবৰি
যেনে কেঁটেলাৰে পিঠি।
বেংচেৰিয়া বাটে দিলে বাই হাত
সৰকে ঠিয়ই মুঠি॥
ছ দিন ছয় বেলা ভাবৰি কাটিলে
তথাপি নপৰে ওৰ।
এনেনো কাপোৰ দেখোঁতে দুৰ্ঘোৰ
দেখি মোহে যাব চোৰ॥
মাণিকী শিপিনী আছে গুণি গুণি
কাপোৰ আগতে লই।
বেচিলে বা টকা দি-বা কিনিব
ভাবোতে ভাবলি হই॥
আজলি বিলতে জালে পাতিলে গৈ
কাঁজলি সোমাই গ’ল।
