এই পৃষ্ঠাটোৰ মুদ্ৰণ সংশোধন কৰা হৈছে
২
ইটো কথা ৰামায়ণে বাল্মিকী ৰচিলা।
উত্তৰা কাণ্ডৰ মধ্যে ৰাম চন্দ্ৰ লীলা॥
ইয়াক ৰচিবে মই কৰিলোহো মন।
পদ বন্ধে ৰচিবে কৰিলে৷ আৰম্ভণ॥
অযোধ্যাত আছিলেক ৰাজা দশৰথ।
মহাবীৰ দানী মানী শাস্ত্ৰত পাৰ্গত॥
তাহাৰ তনয় ৰূপে গোলোক বিহাৰী।
পৃথিবীত আসি জন্ম ললে অংশে চাৰি॥
ৰাম ৰূপে জনমিলে কৌশল্যা গৰ্ভত।
কৈকেয়ীৰ গৰ্ভে জন্মে নামত ভৰত॥
সুমিত্ৰাৰ গৰ্ভে জন্মে দুজন কুমাৰ।
লক্ষ্মণ শত্ৰুঘ্ন বুলি ঘোষয় সংসাৰ॥
পৃথিবীৰ ভাৰ নিবাৰণে নাৰায়ণ ৷
ৰামচন্দ্ৰ ৰূপে আসি হলেহি জনম॥
লক্ষ্মীওঁ আসিয়া জনমিলে পৃথিবীত।
ক্ষেত্ৰ চাষ কালে তাঙ্ক পাইলেক জনক॥
পালন কৰিয়া তান নাম থ’লে সীতা৷
ক্ৰমে ক্ৰমে হলে সীতা ৰূপ গুণান্বিতা॥
অনন্তৰে ৰাম দশৰথৰ নন্দন।
হৰ ধনু ভঙ্গ কৰি কৰিলে গ্ৰহণ॥
ৰামে ৰাজ্য দিবে ইচ্ছিলেক দশৰথ।
কৈকেয়ীৰ হেতু ৰাজ্য পাইলেক ভৰত॥
