এই পৃষ্ঠাটোৰ মুদ্ৰণ সংশোধন কৰা হৈছে
( ৯ )
হেন শুনি ৰামে তাক দিলে অনুমতি।
সমৰ কৰিবে বহু শিকালে সুনীতি॥
বিষ্ণু-অস্ত্ৰ নামে মহাবান শ্ৰীৰামৰ।
শত্ৰুঘ্নক দিলে দৈত্য কৰিবে সংহাৰ॥
ৰামৰ আদেশ পাই বীৰ শত্ৰুঘন।
কৰিলে সকলে সংগ্ৰামৰ আয়োজন॥
মাতৃ ভ্ৰাতৃ আদি কৰি সবাকো প্ৰণামি।
পাত্ৰ মিত্ৰ গণ মানে লইয়া মেলানি॥
শুভক্ষণে যাত্ৰা কৈল কৰিয়া সাজনি।
পদাতিক লই সঙ্গে সাত অক্ষৌহিণী॥
কতোদিন পাছে পালে বল্মেীকিৰ দেশ।
একৰাত্ৰি সেই আশ্ৰমত কৈলে বাস॥
শত্ৰুঘ্নে বন্দিলে সেই মুনিৰ চৰণ।
ৰামৰ আজ্ঞাত সাওঁ বধিবে লবণ॥
হেন শুনি মুনি বৰ প্ৰশংসিলে তাক।
ব্ৰহ্মমন্ত্ৰ উচ্চাৰি কৰিলে আশীৰ্ব্বাদ॥
তাৰ বধ যুক্তি কওঁ শুনা শত্ৰুঘন।
মৃগ মাৰিবাক সদা যাৱঁয় লবণ॥
সেই সময়ত তাক কৰিবা নিধন।
এই যুক্তি ভাল হয় শুনা শত্ৰুঘন॥
মহেশৰ শূল এক আছে তাৰ ঘৰে।
সেই শূল লই নিটো সবাকো সংহাৰে॥
