পৃষ্ঠা:মালচ.djvu/৯৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


কি কৰোতে কিবা হ’ল?

অমৃতৰ আশা কৰি মথিলো সাগৰ,
নুঠিল অমৃত, —তাত উঠিল গৰল,
(সৰ বান্ধি বান্ধি, হায়! বিহ হলাহল!!
ব্যাকুল পৰাণ, দেহা কৰে জৰ–জৰ্!!
মধু আশা কৰি গলো মউৰ বাঁহত,
মধু যে নহল খোৱা!–মাথোঁ কামুৰিলে
কেচা মৌৱে, গোটগাই হুলেৰে বিন্ধিলে!
কান্দিছে পৰাণ সাজি দাৰুণ দুথত!!
চিঙ্গোঁ বুলি ফুলপাহি গোলাপ গছৰ।
চাপি চাপি গ’লো, হায়! অতি হেপাহত,
নউ পাওঁতেই কিন্তু ফুলৰ কাষৰ,
পৰিলো (আহাহা!) গই কাঁয়েট-মাজত!!
কি কৰোতে কিবা হল? কান্দিছে পৰাণ;
ইচ্ছাময়! পূৰ্ণ হ’ক তযূ মনস্কাম॥