পৃষ্ঠা:মালচ.djvu/৯৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


ৰজাৰ জী—(সখীলৈ)।
(খ)

আকাশৰ ভোটা তৰা উজ্বলে গগন;
নিশাক শুৱনী কৰে নিশাৰ ভূষণ॥
কিন্তু সখি। নাই ঘৰে জোনৰ পোহৰ,
নিশাক কোনেনো কৰে আদৰ সাদৰ?
নিশাৰ কামনা,—হোক পুৰ্ণীমা সদাই
পেলোক জগত যেন পোহৰে ভৰাই;
কিন্তু, সখি! অভাগীৰ কপাল-দোষত,
নিৰাশ-ডাৱৰে ঢাকে জোন আকাশত!
মনত আশঙ্কা,—জানো,—হয় বিনা মেঘে
অকস্মাতে বজ্ৰাঘাত অভাগী শিৰত;
হয় জানো চুৰমাৰ ই কম্পিত হিয়া
নিৰাশাৰ বজ্ৰপৰি, জানো, অকালত!!
এই চিন্তা,—ই আশঙ্কা জাগিছে মনত
কিবা দিন, কিবা ৰাতি, নিদ্ৰাত স্বপ্নত॥