এই পৃষ্ঠাটোৰ বৈধকৰণ হৈছে
কত দিন, কত ৰাতি, কত মাহ গ’ল।
খন্তেক খন্তেক কৰি অগা-পিছা কই।
তথাপি অলপো তুমি নেদেখিলা ৰই
হৃদয়ৰ দুখ মোৰ, বিহ হলাহল!!
ৰবাছোঁ খন্তেক। তুমি ৰ’বাছোঁ অলপ,
শুনি যোৱাঁ আজি মোৰ দুথৰ বীননী;
ব্যাকুল কৰিছে মোক শোকৰ গাজনি!
নৰ’লা অলপো তুমি? কৰানেকি গপ?
আজন্ম আহিছোঁ কৰি মিনতি তোমাক,
“ৰ’বাছোঁ অলপ” বুলি ধৰিছোঁ পাৱত;
তথাপি ন হ’ল দয়া অলপো মনত?
নাচালা উলটি, হায়! তুমি দুৰ্ভগাক?
খন্তেক। নিতউ তুমি একেৰাহে যোৱা,
কতনো মিনতি কৰোঁ, অলপো নোৰোৱা
