পৃষ্ঠা:মালচ.djvu/৭৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


স্বভাৱৰ গীত।
(ঙ)

আসাম-সৌভাগ্য-সূৰ্য্য, পখি! অস্ত গল।
মাইকীৰ মাতে আৰু না ঢালে অমৃত!
বানৰ জীয়াৰী উষা আাক ক'ত আছে?
কোনে আৰু গাব গান মধুৰ ললীত?
“নটিনী” যে গায় গান, ৰসহীন তান
গদ্দভ-নিন্দিত সুৰে, ধন-লালসত
ঘৰে ঘৰে বিয়া সভা উৎসৱ পূজাত!
ডুবিল আসাম, পখি! নৰক মাজত!
সি কাৰণে, পখি! তোৰ সুধাময় গীত
শুনাত, আহিছোঁ আজি এৰি বাৰী ঘৰ।
গোৱাঁ আজি এটি গান, জুড়াও পৰাণ;
পূৰ হোক আশা মোৰ, হেৰা পিকবৰ!
না লাগে কৃত্ৰিমগান, পঞ্চমত ধৰি
গোৱাঁ স্বভাৱৰ গীত, গোৱাঁ দয়া কৰি॥