এই পৃষ্ঠাটোৰ বৈধকৰণ হৈছে
সৌৱা যে অলেখ তৰা জ্বলে আকাশত,
অমাবাস্যা নিশা আজি, নাইকিয়া জোন,
উজ্বল হীৰাৰ দৰে জ্বলিছে অলেথ,
প্ৰকাশি নিজৰ জ্যোতি, আপোনাৰ গুণ॥
কিন্তু কাইলই, হায়! জোনটি ওলালে,
ক্ষীণ জ্যোতি হ’ব তৰা, সন্তাপেৰে ভৰা,
এনুৱা উজ্জ্বল আৰু নিদিয়ে পোহৰ!
কোনে কয়, সুখী বৰ আকাশৰ তৰা?
নচুৱাই গছলতা বলিছে মলয়া
ফুলৰ সৌৰভে হই নিজে সৌৰভিত,
কিন্তু, হায়! কেতিয়াবা গোন্ধায় মলয়া
খিছৰ দুৰ্গন্ধ লই, বলি খিছনীত॥
কিবা তৰা, কি মলয়া নহয় সুখীয়া,
তৰ মলয়াৰো কাৰো সুখ নাইকিয়া॥
