পৃষ্ঠা:মালচ.djvu/৫২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
তপস্বী।

বিষময় সংসাৰৰ বিষম ভাবনা
পৰিত্যাগ কৰি, দেব! বনৰ মাজত
একমনে কি ভাবিছা নীৰৱে মনত?
ধ্যানমগ্ন কিয় আজি? আছে কি কামনা?
আহাহা! কামনা নে কি নহ’ব জীৱৰ!
সকলোৰে এটি এটি আছেই কামনা,
সি কাৰণে তুমি, দেব! কৰিছা ভাবনা
নীৰৱে প্ৰভুৰ নাম বন্ধু অন্তিমৰ?
এনে ইচ্ছা হয়, দেৱ! দেখি তযু মুখ,
বিষময় সংসাৰৰ তিয়াগি ভাবনা,
ইৰূপে প্ৰভুক কৰোঁ নিতউ অৰ্চ্চনা
নীৰৱে বনত, ভূলি সংসাৰৰ দুখ॥
সকলোৰে মায়া এৰি, জপি প্ৰভু-নাম
কটাওঁ জীৱন যেন, এয়ে মনস্কাম॥