পৃষ্ঠা:মালচ.djvu/৩২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে



মৰা চৰাই।

সুন্দৰ তোমাৰ ৰূপ বাখানো কি, পখি?
বাথানো তোমাৰ নেকি বিচিত্ৰ বৰণ?
ফুটুকা ফুটুকী পাখী, লেজ মনোহৰ,
মুৰব মুকুট তযু প্ৰাণ বিমোহন?
গাজিলে বাৰিষা মেঘে কত ছালী ধৰা,
কত নৃত্য কৰা, পথি! বাখানো কি তাক?
নহয়, —নহয়, —কিন্তু নহয় সি বুলি
নাবাগানো ৰূপ কিম্বা নৃত্যত তোমাক৷
দ্বাপৰত পূৰ্ণব্ৰহ্মা কৃষ্ণে গোকুলৰ
পিন্ধিছিলে পাখী তযু অতি হেঁপাহত!
অতি ভাগ্যবান তুমি, মুকুটৰ দৰে
শোভিছিলে তযু পাখী কৃষ্ণৰ শিৰত॥
পূৰ্ব্বজন্ম-পূণ্য-ফলে তুমি ভাগ্যবান,
সিহেতু তোমাক, পখি! কৰিছোঁ বাখান॥