এই পৃষ্ঠাটোৰ বৈধকৰণ হৈছে
আনিলে কোনেনো আজি কলাৰ ঠৰুৱা
কলনিৰ কলাগছজুপি কন্দুৱাই?
ফুলনি বাৰীৰ ফুল ফুলতে ভাঙ্গিলে
নিৰাশ চুৰুনীটিয়ে অকালত হায়!!
নালাগে, নানিবা আৰু কলাৰ ঠৰুৱা
আধাফুলা ঢোপাকলি কলিতে শুকাল!
নাগাঁথোঁ আকউ ফুল নিৰাশে-শুকুৱা!
কোনেনো পিন্ধিব? হায়! দুৰ্ভগা কপাল!!
নাই গোন্ধ নাই ৰূপ মৰহা ফুলৰ,
মালাত নোপজে কাৰো আদৰ সাদৰ!
কি হ’ব আনিলে ফুল? কি হ’ব গাঁথিলে
এপাহ দুপাহ কৰি শুকান মালতী?
কি হ’ব ঠৰুৱা আনি? কিবা লাভ গাঁথি?
নানিবা! মালাত আৰু নাই কাৰো ৰতি॥
