পৃষ্ঠা:মালচ.djvu/১৪১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


দুৰাশা।

ভাল বন্দী পালা তুমি, দুৰাশা ডাকিনি।
কৰিব’ তোমাৰ পূৰ মনৰ কামনা;
কোৱাইছা যেই সেই তুমি,—পিশাচিনি!
যেই সেই কৰাইছা নকৰি ভাবনা॥
নাজানিও সাঁতৰিব, দিছোঁ সাগৰত
তোমাস’তে জাঁপ, হায়! নাই দুনয়ন
চাব খোজোঁ পূৰ্ণচন্দ্ৰ প্ৰাণ বিমোহন,
জিবা নাই, আশা কিন্তু মউ-সোৱাদত॥
কান নাই, ইচ্ছা শুনো কুলি কউ গীত
(মধুৰ সঙ্গীত, হায়! নিতে স্বভাৱৰ)
নাক নাই, গোন্ধ লওঁ ফুল সুবাসীত,
প্ৰেম নাই,—ইচ্ছা, পাওঁ প্ৰেম জগতৰ॥
অমূল্য কবিত্ব-শক্তি শূন্য মন চিত,
ইচ্ছা,—কিনি লওঁ, হায়! যশ কবিত্বৰ॥