সমললৈ যাওক

পৃষ্ঠা:মালচ.djvu/১৪০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
কমলাৰ পক্ষপাতিত্ব।

কবি গুৰু ৰত্নাকৰ আৰু কালিদাস
ভৱভূতি, মাঘ আদি পুত্ৰ ভাৰতীৰ,
কত কাব্য, কত ৰস কৰিলে প্ৰকাশ,
নাচালা উলটি, ভাবি পুত্ৰ সতিনীৰ॥
মহা কবি চেক্ষপীৰ, কবীন্দ্ৰ মিল্‌টন,
ইংলণ্ড যশস্বী যাৰ কবিত্ব-বলত,
সতিনীৰ পুত্ৰভাবি, কমলা! ক্ৰোধত
নকৰিলা তুমি কিন্তু স্নেহ-নিৰীক্ষণ!
ভাৰ্জ্জিল, হোমাৰ আদি পুত্ৰ ভাৰতীৰ
পাৰস্য ৰাজ্যৰ কবি হাফেজ প্ৰবৰ,
(জনমত ধন্য যাৰ চিৰাজ নগৰ),
নাচালা উলটি, ভাবি পুত্ৰ সতিনীৰ॥
এনুৱা নিৰ্দ্দয়া তুমি কিয় কৰিলই?
নাইনে তোমাৰ দয়া? নাইনে হৃদয়?