পৃষ্ঠা:মালচ.djvu/১৩৭

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


অসতী তিৰুতা৷—বেশ্যা।

কোনে কয় বৰ বিষ কালসাপিনীৰ?
দংশিলে মুহুৰ্তে ঘটে শংসয় প্ৰাণৰ?
কোনে কয় ভয়ঙ্কৰা বিকটা ডাইনী
ছলনাৰে ছলি কৰে বিলাই নৰৰ?
সাপিনী ডাইনী এই দুয়োটিত কই
নাৰীৰ মাজত আছে এজাতি সাপিনী
বেশ্যা নামে পিশাচিনী, ধৰ্ম্মপথ ভুলি।
নৰৰ পৰাণ নাশে অসতী পাপিনী!!
দংশিলে কালসাপিনী, তাতো পায় প্ৰাণ
ডাইনী খেদিব পাৰি, তাৰো আছে পথ,
সাপিনী, কালৰূপিনী, দংশিলে বেশ্যাই
নৰৰ প্ৰাণত, তাৰ, অৰক্ষা মৰ্ত্ত্যত॥
সাপিনী (চকৰী ফেঁটী!) মুৰত চকৰ!
ডাইনী, অসতী বেশ্যা, সাঁজ মনোহৰ!!