পৃষ্ঠা:মালচ.djvu/১২৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
* * *
(ক)

কেচুৱা কালৰে পৰা ধূলীমাটি লই
তোমাৰ কোলাতে ৰঙ্গে কত উমলিলো!
কিন্তু, হায়! কান্দে প্ৰাণ! পৰিত্যাগকই
তোমা হেন ভূমি আজি আঁতৰি আহিলো॥
ইচ্ছাক্ৰমে, নোহে, আই! দাৰুণ দুখত
(শতুৰুৰ তাড়নাত!) বীনাই কান্দিলো!
শক্ৰ-হস্তগতা তুমি, সেই বেজাৰত
নিতান্ত দূৰ্ব্বল মই তোমাক এৰিলো!!
ওপজোতে মই, আই! সুৰ মিহলাই
প্ৰকৃতিৰে স’তে গালা আনন্দ-সঙ্গীত।
তিয়াগি আহিলো আজি হিয়া উদঙ্গাই
তোমাৰ, গোৱাঁহে এটি বিষাদৰ গীত॥
তুমি কান্দা, ময়ো কান্দো ধৰাধৰি কৰি;
কান্দি কান্দি হওঁ আৰু আঁতৰা-আঁতৰি!!