পৃষ্ঠা:মালচ.djvu/১০১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


দুৰ্গোৎসৱ।

এ বছৰ হই গল,— আহিল শৰত,
আহিল আকউ উমা জগতৰ আই,
দাসদাসী আদি লই উলাহ মনত,
নৱভাৱে ভাৰতক আনন্দে ভৰাই॥
আনন্দ-বিজুলী, আহা। হৃদয়-মেঘত
ভাৰতবাসীৰ কত খেলিছে সঘনে
অপূৰ্ব্ব ভাবেৰে আজি,—অতি সযতনে
গাথিছে ভকতি-ফুল-মালা অন্তৰত॥
আনন্দময়ীক পাই আনন্দ মগন
হইছে ভাৰতবাসী আজি হৰিষত;
বহুদিন পাছে পাই মাতৃ-দৰশন
মাতৃভক্ত শিশু যেনে হয় আনন্দত॥
সুখী দুখী সকলোটি উলাহ-মগন,
স্বৰ্গীয় ভাবেৰে আজি ভৰিছে ভাৰত॥