এই পৃষ্ঠাটোৰ বৈধকৰণ হৈছে
২৫০
মহাপুৰুষ শঙ্কৰদেৱৰ বাণী
৩। সাক্ষী হৈয়া সভাত অসত্য বোলে বাণী।
ক্ৰয়-বিক্ৰয়তো মিছা মাতে যিটো প্ৰাণী॥
শতেক যোজন উপৰক সেই ধৰি।
শিলাত পেলাৱে দূতে হেঠমুণ্ড কৰি॥
(ষষ্ঠ, ৪৪)
⸺⸺
সুখ-দুঃখ
১। চক্ৰাকাৰে ঘূৰে সংসাৰৰ সুখ-দুঃখ॥
আপদ সম্পদ আসি নিলে কৰ্ম্মগতি
দৈৱক বাধিবে পাৰে কাহাৰ শকতি॥
(অষ্টম, ১৪২৮)
২। মাধৱৰ মায়াৰ কমনে পাৱে অন্ত।
ঐশ্বৰ্য্য দৰিদ্ৰ হোৱে দুখী ধনৱন্ত॥
স্বৰ্গীয়ো নৰকী নৰকীয়ো স্বৰ্গে যায়।
সৰ্ব্বকালে সুখ-দুখ একো স্থানে নাই॥
সংসাৰৰ সুখ-দুখ জানা সবে মায়া।
তিলেকতে অন্তৰে মেঘৰ যেন ছায়া॥
(অষ্টম, ৮৮৪৫—৮৮৪৬)
৩। সংসাৰৰ তিনিবিধ দুঃখৰ মধ্যত।
একবিধ দুঃখ তভু নুগুছে সতত॥