এই পৃষ্ঠাটোৰ বৈধকৰণ হৈছে
উত্তম ভক্তি
১ ৷ মোৰ জন্ম-কৰ্ম্ম মোহোৰেসে গুণ-নাম।
আকেসে কীৰ্ত্তন কৰিবেক অবিৰাম॥
মোৰ কথা শ্ৰৱণত কৰিবেক ৰতি।
আকেসে বুলিয় সুখি উত্তম ভকতি॥
(ভক্তি প্ৰদীপ, ২৯)
⸻
অব্যাভিচাৰী ভক্তি
১ । মই বিনে আন একো নভজা দেৱক।
সেই ভক্তি এৰুৱাৱে সমস্ত ধৰ্ম্মক॥
সেই এক শৰণ-ভজন অনুপাম।
নুশুনয় আন একো দেৱতাৰ নাম॥
অব্যাভিচাৰিণী আক বুলিয় ভকতি।
নাহিকে প্ৰয়াস আতি অল্পে সাধে গতি॥
(ভক্তি প্ৰদীপ, ৩০—৩১)
২ । কেৱলে অব্যাভিচাৰী ভকতিত হৰি।
হোৱন্ত সন্তুষ্ট অতি জানা নিষ্ট কৰি॥
(ৰত্নাকৰ ভাঃ ৪২৮)
⸻
