পৃষ্ঠা:মণিকুট.djvu/২৬

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
১২
মণিকুট।

এহি দোষে হৈব নৰকগামী।
এতেকে থাকিয়ো জগত স্বামী॥
তোমাক দেখিয়া তৰিবো লোক।
এহিবৰ মাত্ৰ দিয়োক মোক॥৫০
আৰু এক কথা শুনিয়ো সাৰ।
আছয় অসুৰ অতি দুৰ্ব্বাৰ॥
সিটো মণিকুটে কৰিয়ো বাস।
ঘোৰ ৰণে তাক কৰিয়ো নাশ॥৫১
হেন শুনি হৰি মাতিলা গুণি।
তাৰ কথা আমি আছোহো শুনি॥
পৰম বলিষ্ঠ পাপী দুৰ্জ্জন।
তাৰ ভয়ে কম্পে দেৱতাগণ॥৫২
সিটো হযাসুৰ মাৰিবো মই।
তেবেসে লোকৰ কুশল হয়॥
হেন বুলি হৰি গৈলন্ত ধাই।
হয়াসুৰ বীৰ আছে যি ঠাই॥৫৩
দেখিলন্ত বীৰে মাধৱ আসে।
উঠিলন্ত বেগে মনত ত্ৰাসে॥
দুইকো দুয়ো যেকে দেখে আকলি।
দুইহানো বোলয় ইকিনো বলী॥৫৪