এই পৃষ্ঠাটোৰ বৈধকৰণ হৈছে
(২)
মঞ্জৰী
(৩)
আথে বেথে ফাগুনীয়ে ভুৱন ভুলোৱা
অনাবিল গীত-ধাৰা দিলেহি বিলাই;
মৰতৰ মনোৰমা সেন্দূৰী খোপাত কোনে
ৰঙা—বগা ফাকুগুড়ি দিলে ছটিয়াই?
(8)
দশোদিশে জগতৰ দৃশ্য মনোময়ী
কেনি কতো বিষাদৰ গীত মাত নাই;
বসন্তৰ অবুজনী আজলী কিশোৰী আহি
নিমাত বিশ্বৰ বাঁহী দিলেহি কঁপাই!
(৫)
চঞ্চলা অঞ্চলা বালা মূৰ্ত্ত মুৰুতিৰে
কোন সউ অদুৰেদি ঢউ খেলি যায়;
পদুম কুঞ্জত বহি ঊষাৰ চানেকীটিয়ে
দুগাল তিয়াই জানো কাৰ ছবি চাই?