এই পৃষ্ঠাটোৰ বৈধকৰণ হৈছে
মঞ্জৰী
{{Rule|
(১০৭)
লাজুকী লতাৰ দৰে মুচ্-কুচ্ যোৱা
দেখিছিলোঁ চকামকা আজলী বালাক;
শুনিছিলোঁ অৰুণৰ নিচুকনি গীতগোৱা
নিচিনিলোঁ সুন্দৰৰ ৰূপ-প্ৰতিমাক।
(১০৮)
ৰঙীণ যৌৱন উটি যাব ৰঙীনলে'
প্ৰণয়ৰ বালি ভেঁটা থান্ বান্ কৰি;
নিতউ নতুন ৰূপে থাকিব তাতেই চৰি
অনন্ত মাধুৰী সুধা অতীত সুৱঁৰি।
(১০৯)
নাইতাত কলিজাৰ ডোঙা ডোঙা তেজ
কাতৰ চকুলো ভৰা নহয় সিঠাই;
প্ৰাণৰ প্ৰাণত বজা উন্মত্ত প্ৰেমৰ সুৰ
পশিব নোৱাৰি তাত জহি-খহি যায়।